လူတွေရဲ့ နားလည်နိုင်စွမ်းဆိုတာ ဘာမှမသိတဲ့ အခြေအနေကနေ ဉာဏ်ပညာ ပွင့်လင်းသွားတဲ့ အဆင့်ဆီ ချက်ချင်းကြီး ခုန်ကူးသွားတာ မဟုတ်ပါဘူး။ ဒီဖြစ်စဉ်မှာ ဖြတ်သန်းရတဲ့ အဆင့်တွေ ရှိတယ်။ အဆင့်တခုစီက ရှုပ်ထွေးမှုတွေထဲ နစ်မွန်းမသွားစေဘဲ အကြောင်းအရာတွေကို ပိုပြီး လက်ခံနိုင်စွမ်း ရှိလာအောင် ကူညီပေးတယ်။ ဒီအဆင့်တွေဟာ အသက်အရွယ်နဲ့ တင်းတင်းကျပ်ကျပ် သတ်မှတ်ကန့်သတ်ခံထားတာမျိုး မဟုတ်ဘဲ သိမြင်နားလည်မှုဆိုင်ရာ ပုံသဏ္ဌာန်တွေသာ ဖြစ်ပါတယ်။ ပိုရှင်းအောင်ပြောရရင် ဦးနှောက်က လက်တွေ့ဘဝကို စုစည်းပုံ၊ အဆိုပြုချက်တွေကို အကဲဖြတ်ပုံနဲ့ အဓိပ္ပာယ် ဖွင့်ဆိုပုံတွေ ကွဲပြားသွားတာပါ။ အရှင်းလင်းဆုံး ပုံစံကနေ အရှုပ်ထွေးဆုံးဆီ ပြောင်းလဲသွားတဲ့ ဒီအဆင့် ၅ ဆင့်အကြောင်းကို အသေအချာ လေ့လာကြည့်ကြရအောင်။ အဆင့် ၁ - ဆန့်ကျင်ဘက်နှစ်ခုနဲ့ နားလည်ခြင်း ဘယ်သင်ယူမှု ခရီးစဉ်မှာမဆို အစပိုင်းမှာ ဦးနှောက်က ရှင်းလင်းပြတ်သားမှုကိုပဲ လိုလားတယ်။ ပြတ်သားတဲ့ ခြားနားမှုတွေ၊ တိကျတဲ့ ဘောင်တွေနဲ့ မြန်မြန်ဆန်ဆန် ခွဲခြားသတ်မှတ်နိုင်ဖို့ လိုအပ်တယ်။ ဒါဟာ အားနည်းချက် မဟုတ်ဘဲ ရှင်သန်ရေးအတွက် သုံးတဲ့ နည်းဗျူဟာတခု ဖြစ်ပါတယ်။ ဒီအဆင့်မှာ အတွေးအခေါ်တွေဟာ ဆန့်ကျင်ဘက် အတွဲလိ...
နှုတ်သမိုင်းကို အခြေခံ၍ ဇစ်မြစ်ကို သယ်ဆောင်ကြသည့် ကရင်နီဒေသခံတို့အတွက် ရက်၊ လ၊ ခုနှစ် အတိအကျ ဖြစ်သည့် စာပေမှတ်တမ်းများကို ရှာဖွေရန် ခက်ခဲသည်ဟုဆိုပါက ထူးဆန်းမည်မထင်လှပါ။ ကရင်နီ (ကယား) မင်းဆက်များကို စတင်တည်ထောင်ခဲ့သော မင်းများနှင့်ပတ်သက်၍ နန်းစံခုနှစ်သက္ကရာဇ်များနှင့် ဘွဲ့အမည်များကို တိကျစွာသိရှိရန် ခက်ခဲလှပါသည်။ သို့သော် ယနေ့ရသည့် မှတ်တမ်းများတွင် ' ဘိုးဖြူလှ ' မင်းသည် ကရင်နီ (ကယား) ၏ ပထမဦးဆုံးမင်းဆက်ဖြစ်ကြောင်း ဖော်ပြထားပါသည်။ ခရစ်နှစ် ၁၇၀၀ ဝန်းကျင်တွင် ပထမဘိုးဖြူလှမင်းက ဘောလခဲ (မြို့နယ်) ကို စတင်တည်ထောင်ခဲ့သည်ဟု ဒေသခံတို့က ဆိုကြသည်။ ဒေသခံစကားအရ "ဘူး (ဖြူ)" သည် အေးချမ်းသာယာခြင်းကို ဆိုလိုပြီး "မို" သည် ဒေသကို ဆိုလိုသည်ဟု မှတ်ရသည်။ အေးချမ်းသာယာသော ပြည်နယ်ဒေသကို "ဘူးမို" ဟု ခေါ်ဆိုရာမှတဆင့် မြန်မာတို့က "ဘိုးဖြူလှ" ဟု အသံထွက်ခေါ်ဝေါ်လာခဲ့ကြပြီး၊ နောက်ပိုင်းတွင် ဤအသုံးအနှုန်းမှာ တွင်ကျယ်သွားသည်ဟု ဆို၏။ မြန်မာပြည်မှတ်တမ်းများတွင်မူ ပဉ္စမမြောက် ကရင်နီမင်းဆက်ဖြစ်သော ဘိုးဖြူလှမင်းလက်ထက်မှစ၍သာ အစပြုဖော်ပြထားသည်ကို တွေ့ရသည်။ ဗြိတိသျှအရာရှ...